اللي يخمم ما يقطع لواد

‎عزالدين ناس الرمى‎

*****************

اللي يخمم ما يقطع لواد
*******************

اللي يخمم ما يقطع لواد
نوض شمر على كتافك

دير ما دارو لولاد
بقيتي ناعس شكون داها فك

كون مكض ولد لجواد
دير ما داروه سلافك

مشاو للغابة و حطبو لعواد
باش تقادو لك كتافك

همهم عليك كبر و زاد
اليوم ماتو شكون يتهلا فك

نوض دمر كيفك كي لعباد
بدل و غير وصافك

دير نفس مع كرانك ضاد
بنادم ليوم كلشي عافك

نوض شمر و حرث لبلاد
رعا و تهلا فخرافك

دير كيفما دارو لجداد
وثقو عرافي و عرافك

رسمو تاريخ و امجاد
و نتا اليوم شكون شافك

بقلم : عزالدين ناس الرما