هَمْ الدنيا يْخَلي

فاطمة المسعودي

******

هَمْ الدنيا يْخَلي
لُغْراب يْشيبْ
و انا من هَمْها
شَابْ راسي
--
مَا ڭرْ فيها
طَالبْ ولا طْبيب
من حَرْها
طَار نْعاسي
--
شي شَرْباتُو
كاس لَحْليب
و أنا رْمَات
لمْرَارْ فْ كَاسي
--
حَمْلَكْ ثْقيل
انَا نْڭَاد و هو يْعيب
رْخَيْتُو طَاحْ
و مْشيتْ على قْياسي
--
قَلٌة الشي خَلاتْني
نْعيش غْريب
وحْداني ، بين
حْبابي و نَاسي
--
و انا حَالَفْ يَا دَنْيا
شْحال مَا غْليتي
في يَدْ الناس
تْجي بين يْديا ترخَاصِي

فاطمة المسعودي / سلا