دورني الحرف ولعب بيا

Mohammed El Wafi

**********
tag

دورني الحرف ولعب بيا
بعد م رافقتو بالنية
فرتح وخلاني مقرد
وگال ها المجبد
اجبد الى ف تللك جهد
اتفقنا نسديو مرمة
ونرشمو بخيوط الكلمة
زواق العطفة ولمحنة
مللي وگفت الوقافة
ودگيت اوتد الكلمة
حلف لا جرا عليا
خلاني وحدي نجري
حتى تراجل اسدا لمرمة
وعواجة الكلمة
وخرجت عل النغمة
وبقيت نرقع ف دربالة لكلام
بخيوط امعارية
طيحت لمساوية
وبقيت مشحطط
تالف عل الخط
وگف عليا بحال الرهط
بوحدو الليف م ينگط
وگال لي امحي اللوحة
وعاود الضبط
محمد الوافي