Bousslame Hassan
*******
سرجت هبالي وگلت مالي
نقلب عل الرماد
نتف ليه غبارو
نعريه من وقارو
باش الطير الشظية
تزغرت بنارها ،
تشعل عوافي
تحرگ غيسي ف احتالو
مل كان مايا صافي
روامو شلال دافي
ساقي الاطلس ،ومعمر المطافي
ودابة المطمورة الطمرات
كثرو عليها شلا غوات
كل واحد هاز كيالو
يعمر جوفو وينسى خيالو
واش يسحبني مليوط بحالو
انا مردوم ف حيالي
وگلت مالي ‘
نقلب عل الرماد
نتف ليه غبارو
نعريه من وقارو
باش الطير الشظية
تزغرت بنارها ،
تشعل عوافي
تحرگ غيسي ف احتالو
مل كان مايا صافي
روامو شلال دافي
ساقي الاطلس ،ومعمر المطافي
ودابة المطمورة الطمرات
كثرو عليها شلا غوات
كل واحد هاز كيالو
يعمر جوفو وينسى خيالو
واش يسحبني مليوط بحالو
انا مردوم ف حيالي
وگلت مالي ‘
قربت من الثلث الخالي
سولتو مال خلاك لجلاك يشالي
على الريح الطاويا العجاج
السابقا عاود زماني بلا تسراج ؟
ضحك بناب الكية
وگال ثلثي ف ارض مجلية
لفيها كافيها
ولمافيها ما سول فيها
ولفتش بنباشو يعريها
ويذوق ما جرى الحالي
وگلت مالي
سولتو مال خلاك لجلاك يشالي
على الريح الطاويا العجاج
السابقا عاود زماني بلا تسراج ؟
ضحك بناب الكية
وگال ثلثي ف ارض مجلية
لفيها كافيها
ولمافيها ما سول فيها
ولفتش بنباشو يعريها
ويذوق ما جرى الحالي
وگلت مالي
عمرت هوى بلادي قبل ما يسالي
جمعت تراب العين العمية
لكان فيها البحر ولي ولا مطفية
وحزمت نادر التبن
بشريط الحصاد قبل مايتعفن
وهزيت شمعة صارطة الفتيلة
باش نخرج ف الليل
وما تحسش بي القبيلة
وياكلوني حكاية
ولاحجاية ماعندها نهاية
ونولي علام
قايد صربة ف الظلام
ولا هلال عالم الناس عل الصيام
وكلامي ف عقلهم مايسالي
وگلت مالي
جمعت تراب العين العمية
لكان فيها البحر ولي ولا مطفية
وحزمت نادر التبن
بشريط الحصاد قبل مايتعفن
وهزيت شمعة صارطة الفتيلة
باش نخرج ف الليل
وما تحسش بي القبيلة
وياكلوني حكاية
ولاحجاية ماعندها نهاية
ونولي علام
قايد صربة ف الظلام
ولا هلال عالم الناس عل الصيام
وكلامي ف عقلهم مايسالي
وگلت مالي
سمعت أخباري ف التوالي
حينت زماني سابقني
ومل طليت من كهف العمر
على فضولي عاتبني
مالك آش خصك
عندك عظمك كاسيه لحمك
وعندك شواريك فيه ضيمك
سايگو بالتلفة
مل تاها دالها دفلة
ومل درت في عين دالها علفة
وليتي فايق ،
حاضي لعلى شطارتو عايق
تخبا ف خوفك مل خاف
ومسح عينك لقوى عليها الرعاف
راه الشمس محنية بالرماد
والگمرة على باب النجمة
داگة الوتاد
وانا من حالي وحى لي
وگلت علاش سرجت هبالي
وگلت مالي
حينت زماني سابقني
ومل طليت من كهف العمر
على فضولي عاتبني
مالك آش خصك
عندك عظمك كاسيه لحمك
وعندك شواريك فيه ضيمك
سايگو بالتلفة
مل تاها دالها دفلة
ومل درت في عين دالها علفة
وليتي فايق ،
حاضي لعلى شطارتو عايق
تخبا ف خوفك مل خاف
ومسح عينك لقوى عليها الرعاف
راه الشمس محنية بالرماد
والگمرة على باب النجمة
داگة الوتاد
وانا من حالي وحى لي
وگلت علاش سرجت هبالي
وگلت مالي
الثلث الخالي ثلثو لابس ثوب بالي
ماشابه حالي
فيه ريوس تنتف شعرها
بقرشال سداه كبريتو
من حلق الجوف
نافض صهدو
ريحتو مطلية بحرالجوع
ناصب خيامو
حاكم قوامو ،
فيه بلادي تطل من عيني
لسگات من الدمعة
ماها المالح ،‘خبات بكاها
قبل ما زماني يتقيا الطوفان
ونرجع قصة ماليها عنوان
وعمري في بلاها يسالي
وگلت مالي
ماشابه حالي
فيه ريوس تنتف شعرها
بقرشال سداه كبريتو
من حلق الجوف
نافض صهدو
ريحتو مطلية بحرالجوع
ناصب خيامو
حاكم قوامو ،
فيه بلادي تطل من عيني
لسگات من الدمعة
ماها المالح ،‘خبات بكاها
قبل ما زماني يتقيا الطوفان
ونرجع قصة ماليها عنوان
وعمري في بلاها يسالي
وگلت مالي
گالو لي هز المرفودة الوالي
لبابو عل البحر
وشراجمو مطلية برماد الجمر
وغسل حفاك
لعثراتو خليتيهم وراك
بسبع موجات مگلبات عل الصخرات
قبل ما يهمد
ف حر الظلامو ويبرد
وبوس يد الشيخ لحدى تابوتو كايعبد
وسولو عل الثلث الخالي
واش ف الارض باني سوارو
ول مغطي بسحاب الجبل العالي
وگلت مالي
لبابو عل البحر
وشراجمو مطلية برماد الجمر
وغسل حفاك
لعثراتو خليتيهم وراك
بسبع موجات مگلبات عل الصخرات
قبل ما يهمد
ف حر الظلامو ويبرد
وبوس يد الشيخ لحدى تابوتو كايعبد
وسولو عل الثلث الخالي
واش ف الارض باني سوارو
ول مغطي بسحاب الجبل العالي
وگلت مالي
مالي ما نتخبا ف جلدي
ونشرب سكاتي
مل الكلام يزاحم قوالي ؟
ونهرب من عناد الزيغ
ونفرق الفهامة الخاوية
على السكات لجمعنا
على براد مشحر على صهد عرگ ناشف
مخلط بنعناع مجلي ف تراب
حالفة تسقى بدم القبايل
وتكحل العينين بمورد
عودو يابس من زمان البون
لفرق عمامي واخوالي
وگلت مالي،،،
واش انا ف حالي
ولا ساكن ف الثلث الخالي ،،،،
ونشرب سكاتي
مل الكلام يزاحم قوالي ؟
ونهرب من عناد الزيغ
ونفرق الفهامة الخاوية
على السكات لجمعنا
على براد مشحر على صهد عرگ ناشف
مخلط بنعناع مجلي ف تراب
حالفة تسقى بدم القبايل
وتكحل العينين بمورد
عودو يابس من زمان البون
لفرق عمامي واخوالي
وگلت مالي،،،
واش انا ف حالي
ولا ساكن ف الثلث الخالي ،،،،
بوسلام حس
ليست هناك تعليقات:
إرسال تعليق