حالَكْ يالْمَسْكينْ...؟

محمد محمد الشافعي

*******
tag

حالَكْ يالْمَسْكينْ...؟

حْياتَكْ يالْمَسْكِينْ فْنَاتْ
عُمْركْ بُؤْسُو قَصَّة مَرْوِي.
ليَامْ حَاكْمَة بَاشْ بْغَاتْ
ونْتَ تَعْيَا عْلِيهَا تَدْوِي.
تْعاني تْخَبَّطْ فَشْقَاكْ
طِّيحْ تْنُوضْ وتَجْرِي.
لَحْمَلْ حَامْلُو دُونْ هْوَاكْ
هازْ ٱلثُّقْلَة مَنْ بَكْرِي.
فٱلْعَشْويَة تْخَلْطَتْ لُوقَاتْ
ظْلامْ ٱللَّيْلْ بْدَا يسْرِي.
ونْتَ مَنْ حَرْ ٱلْكيَاتْ
تَعْيَا تْرَفَّهْ وَتْسَلِّي.
دْصَارَة وقْصَارَة بَبْنَاتْ
فَوْضَى في مَرْتَعْ مَكْرِي.
لَوْنْ ٱلسْمَا حَجْبُو لغْمَامْ
مَاتْلاتْ زُرْقَتْهَا تَبْرِي،
وٱلْگَمْرَة ضَوْهَا مَابَانْ
وْجَها مَابْقَاشْ مْعَرِّي.
شَلَّا عْيُوبْ فِيكْ تْعَرَّاتْ
ٱطْلُبْ ٱلرَّحْمَة مَ رَّبِّي.
محمد الشافعي ٠الرماني:29/11/2018