********************************
#زجلية اهديها الى اروع فنانة تشكيلية ،تركت بصماتها على وجه الزربية المغربية ،،للاعايشة امي الذي عشقها لانهاية له اطال الله في عمرها#
**ربطات العگدة ف فم الخيط **
*******
بين العگدة والعگدة ، ‘ مي عايشة ‘
ف سبايل الخيوط
تشابكت لوان
عيات من بروكها المخدة
قوى تحراكها
حلف نواضها
يخلف المشيات
كيف العود الحران
باش يشوف الزواق
على وجه الزربية ،
من ضريب الخلالة
على سداها ماجاها فياق ‘‘
بين العگدة والعگدة ، ‘ مي عايشة ‘
ف سبايل الخيوط
تشابكت لوان
عيات من بروكها المخدة
قوى تحراكها
حلف نواضها
يخلف المشيات
كيف العود الحران
باش يشوف الزواق
على وجه الزربية ،
من ضريب الخلالة
على سداها ماجاها فياق ‘‘
لوات الخيط ف المغزل ‘
ذبحت واد الخيط
بموس حافي
باش تگاد العگدة ‘‘
وتزيان القوافي
واللون الحمر يجاور الخضر
المنقوش بقوام العدة
والقديم ليه الجدة
والخيط ف صباعها مايتخبل ‘‘
ذبحت واد الخيط
بموس حافي
باش تگاد العگدة ‘‘
وتزيان القوافي
واللون الحمر يجاور الخضر
المنقوش بقوام العدة
والقديم ليه الجدة
والخيط ف صباعها مايتخبل ‘‘
كنت نلوي الخيط على عين الشريط
باش تكبر الكبة ‘
وكانت ريحة الطعمة ‘
مسقية بالشبة
باش يطوال عمرها ‘
مل السدى يلقى فين يتخبا
كانت ترمي رجليها
الطالية الحنة
ودور المغزل عل الفخذ
وغناها صادح
وكلامها فيه البنة
والخيط حارن ف الصوفة
گاطع نفسو
شاد حسو
عاشق ف عينو الشوفة ‘‘
باش تكبر الكبة ‘
وكانت ريحة الطعمة ‘
مسقية بالشبة
باش يطوال عمرها ‘
مل السدى يلقى فين يتخبا
كانت ترمي رجليها
الطالية الحنة
ودور المغزل عل الفخذ
وغناها صادح
وكلامها فيه البنة
والخيط حارن ف الصوفة
گاطع نفسو
شاد حسو
عاشق ف عينو الشوفة ‘‘
كان وجهها بين السدى
مطلي خيوط
سامع شلا عيوط
كان الوشم يبان
بين الخيط والخيط
والزواقة والزواقة
خيالها فيه يتردم
صابغا الوجه
مارسمها رسام
قاريا قصيدة
ما گالها نظام
كاتبع الشريط
ف فم الشرگة ،،وتخيط
لسانو‘
للهاثو ف البرا
ينغز ثقاب الوقت لما يبرا
يسول عليها
آش جرا وطرا
امي عايشة من حليبها
سقاتو امخيض اردا
مل زمانها على عمرها تعدا
سداها واقف بين الوقاقف
حياتو بيد السدى
وتگراجو مل عمر الخيط
طوال العگدة
وبقى فمو ناشف،
صارط حلقو
صوفو مخبلة
فيها نبات ،وحجر شلا
صباعها بين الخيط والخيط ،
دبالجو شاطحة ،
بلاطبل
بلابندير
مدفيا خبزها الفطير
عينيها عل العگدة سابحة
وهي مي
زربيتها من دمي
وهي مي للا عايشة
بها قرن من عمرها ،
وخمسة
وباقي تحلا معاها الگلسة
وهي مي
بلاها آش نسمي؟
مطلي خيوط
سامع شلا عيوط
كان الوشم يبان
بين الخيط والخيط
والزواقة والزواقة
خيالها فيه يتردم
صابغا الوجه
مارسمها رسام
قاريا قصيدة
ما گالها نظام
كاتبع الشريط
ف فم الشرگة ،،وتخيط
لسانو‘
للهاثو ف البرا
ينغز ثقاب الوقت لما يبرا
يسول عليها
آش جرا وطرا
امي عايشة من حليبها
سقاتو امخيض اردا
مل زمانها على عمرها تعدا
سداها واقف بين الوقاقف
حياتو بيد السدى
وتگراجو مل عمر الخيط
طوال العگدة
وبقى فمو ناشف،
صارط حلقو
صوفو مخبلة
فيها نبات ،وحجر شلا
صباعها بين الخيط والخيط ،
دبالجو شاطحة ،
بلاطبل
بلابندير
مدفيا خبزها الفطير
عينيها عل العگدة سابحة
وهي مي
زربيتها من دمي
وهي مي للا عايشة
بها قرن من عمرها ،
وخمسة
وباقي تحلا معاها الگلسة
وهي مي
بلاها آش نسمي؟
بوسلام حسن
ليست هناك تعليقات:
إرسال تعليق