********
يا شاعر يا زجال
لا تكون قوال بروال
سقي من السواني معاني
عمر بدلوك عدال
لمعاني مطروحة مفضوحة
مليوحة في طرقان طوال
من لمعاني شافي همي
شافي غمي غني موال
بقصيدة فيها فيدة
كون زجال كون عزال
الرحبة قالت مرحبا
خوذ العبرة كون كيال
الحادكة تفرز بغربال
دقيق التريد من النخال
كون دباغ يدبغ لحديد
سقي لكرمة ليتيمة
من لميمة تنوض جريد
كون صياغ من الصناع
اهدي للزين نبالة وخاتم فريد
بغيت نهاري دافي
حقي باين ما خافي
يا زجال عمر كتافي
احميني من عوافي الحكرة
بقصيدة مسلحة بالف شفرة
لابسة حروف عيونها تشوف
حوالي على حد الشوف
تاجها قوافي من معدن صافي
راك مضروب بهراوة السلطة
وبمزود الزلطة الحافي
حس بهمي سال دمي
قول يا زجال كلام وافي
بغيت حروفك مرايا ديما حدايا
فيها نشوف حوالي وخيالي وطوافي
بغيت قصيدتك عروس
منكفة زينها محروس
خدودها تفاح وريحها نفاح
من عنبر ومسك وحركوس
حروفها قوتي أنا أوخوتي
تفاجي لخواطر هذا خير كافي
لا تكون قوال بروال
سقي من السواني معاني
عمر بدلوك عدال
لمعاني مطروحة مفضوحة
مليوحة في طرقان طوال
من لمعاني شافي همي
شافي غمي غني موال
بقصيدة فيها فيدة
كون زجال كون عزال
الرحبة قالت مرحبا
خوذ العبرة كون كيال
الحادكة تفرز بغربال
دقيق التريد من النخال
كون دباغ يدبغ لحديد
سقي لكرمة ليتيمة
من لميمة تنوض جريد
كون صياغ من الصناع
اهدي للزين نبالة وخاتم فريد
بغيت نهاري دافي
حقي باين ما خافي
يا زجال عمر كتافي
احميني من عوافي الحكرة
بقصيدة مسلحة بالف شفرة
لابسة حروف عيونها تشوف
حوالي على حد الشوف
تاجها قوافي من معدن صافي
راك مضروب بهراوة السلطة
وبمزود الزلطة الحافي
حس بهمي سال دمي
قول يا زجال كلام وافي
بغيت حروفك مرايا ديما حدايا
فيها نشوف حوالي وخيالي وطوافي
بغيت قصيدتك عروس
منكفة زينها محروس
خدودها تفاح وريحها نفاح
من عنبر ومسك وحركوس
حروفها قوتي أنا أوخوتي
تفاجي لخواطر هذا خير كافي
محمد المؤذن مؤسس ورئيس جمعية كازابلانكا للتراث الشعبي والتنمية والتربية على المواطنة
ليست هناك تعليقات:
إرسال تعليق