في حما الله

محمد البراقي الحسناوي

******tag

بعنوان: في حما الله

اه ياوطني
لاباس ولاباس
يانور عياني
لفيا ماهناني
الفاس جات ف الراس
نخمم سهران عساس
من خوفي عليك ركبني الوسواس....

يازين الحروف
عشقك في قلب الجوف
اسمك على طروف لساني
نشوف الخاين
ملبد كيف الصوف
يكشفو الزمان
والخا تكسر الكاس...

يا ولد بلادي
نجمع شقوفو
ماعمرني نقطع لياس
الحب ساكن أعماقي
نهديك وليهم اشواقي
باقي الخير باقين اولاد
الناس....

في حما الله
ماعمر ترابك يتقاس
الرجال فايقة مايديهم نعاس
عديانك ياوطني هبال
كبو البرمة على فمها
كفاو الكسكاس
بلا قفال
خانو الأمانة
فقدو الإنسانية
والاحساس:
21/12/2018
بقلم: محمد البراقي