من دِيواني التاسِع " فْلُوسْ اللّْبَنْ ... "

Nour Abouchama
*********************

من دِيواني التاسِع " فْلُوسْ اللّْبَنْ ... "
مشروع زجلية نثْرِية بعنوان " بِينْ الشّوفَة و الصّوفَة "
...
بِينْ الشُّوفَة ... وْ الصُّوفَة
رڭدْ جرْحِي ...
شَجْرَة مخْلُوفَة
السّاڭْ علّامْ
ؤُ لوْرَاقْ ... منْتُوفَة
...
كفِّي كانتْ سْمَا
رَاسِي تْرَابْ
ؤُ بينْ الرْغَامْ و السْحَابْ
رڭْدَتْ ... شَلّا لْواحْ
مكْشُوفَة
...
لُوحَة ... حَجْرَة
ؤُ لُوحَة ... بْلَا كَرّاكْ
السْمَقْ ... كانْ مَا
الصّلْصَالْ ... دَارْنِي عْمَا
اعْوجْ منْ شُوفَة
...
نْشُوفْنِي مْنازلْ ...
بْلَا سْبُولاتْ
بْلا حْصِيدَة ... بْلا مْناجلْ
تْمنِّيتْ يلْبسْنِي ضَيْ
لبْسَاتْنِي
خَلْعَة حَلُّوفَة
...
وَااااااالْغَيْمْ
وَاشْ لعْطَشْ اللِّي فِيّا
ظلْ حْكِيمْ
و لّا دُخّانْ ذْمِيمْ
و لّا ... غِيرْ حْشَاشَة
مخْطُوفَة
...
وَااااااالْغَيْمْ
نَزّلْنِي شَجْرَة
نزّلْنِي حجْرَة
وْ لّا حتّى ... حُفْرَة
نْكونْ " أنَا "
مَا نْكونْ خْيَالِي
لابَسْنِي جِيفَة
معْيُوفَة
للإشارة : لفظة " الصّوفَة " أعلاهُ تطْويعٌ منّي للفظة " الصّوفية " في الفكر الصوفي العربي
نون حاء