كلمة الحق

فاطمة المسعودي

********

كلمة الحق
-------------------------
كَلمْتي بَنت فُمي
نْكَولْهَا بَلَغْوَاتْ
و بْلا نْدامَة
--
و خا كلمتي كلمة مْرَا
ما تنفع في رَيْ
وَقْليلة فْهامَة
--
مَا نْخَبّي مَا نْدَارِي
وْ فَكْلَام الْحَقْ
مَا نْرَاوَغْ مَا نَتْعَامى
--
كَلْمَة الَحَقْ
و َخّا تَجْرًحْ تَبْرَا
مَا دِيرْ دُوحَاسْ
مَا تنْشُر فُوق الْقَلْب
غْمَامَة
--
اللّي بْغَا يَسْلَك
يَتْبَع طْرِيق الْحَقْ
و طْرِيقْ الْبَاطَل
تَرْجَعْ بَالنْدَامَة
--
الْبَاطَل وَادْ حامَل
لَعَامْ عْلينا
يْجٌرْنا لْحُفْرة مَظْلامة
--
الْحَق كَمْرَة نُورْهَا
يغْلبْ الظلّْمة
و الفم اللي مْوَالَف َ
يْكُولْ الْحَقْ
عَمْرُو مَا يْدير كْمَامة
---------------------- فاطمة المسعودي -------------------