شفتني في المرايا
حككت الشوفة
شوفة المعجب في اللي شاف
.
واش هذا انت يا راسي
يا المغروس بين الكتاف
.
الكحولة بعدما كانت كبة
بيضات عادت شبة
كثر من نصها تنتف نتاف
.
الصورة صبحت مضببة
الريش حبة حبة
يا وجه تكمشتي بزاف
.
لين غادي يا راس بهاد الدوخة
من زمان وصلتك الشيخوخة
ما راعيتي ما بغيتي تخاف
.
تجري وتجاري ما انتاش هنا
ما تعرف راحة واللا هنا (ء)
لعذاب الدنيا انت ولاف
.
جريتي وطى طلعتي جبال
حفرتي حفاري شلى وشحال
حملك زايد ويتقال ما بغى يخفاف
.
دير الموت في بالك
را حتى حاجة ما ديالك
قبل يوفى اجلك كون من النظاف...
.......
........ توفيق البوعزولي
حككت الشوفة
شوفة المعجب في اللي شاف
.
واش هذا انت يا راسي
يا المغروس بين الكتاف
.
الكحولة بعدما كانت كبة
بيضات عادت شبة
كثر من نصها تنتف نتاف
.
الصورة صبحت مضببة
الريش حبة حبة
يا وجه تكمشتي بزاف
.
لين غادي يا راس بهاد الدوخة
من زمان وصلتك الشيخوخة
ما راعيتي ما بغيتي تخاف
.
تجري وتجاري ما انتاش هنا
ما تعرف راحة واللا هنا (ء)
لعذاب الدنيا انت ولاف
.
جريتي وطى طلعتي جبال
حفرتي حفاري شلى وشحال
حملك زايد ويتقال ما بغى يخفاف
.
دير الموت في بالك
را حتى حاجة ما ديالك
قبل يوفى اجلك كون من النظاف...
.......
........ توفيق البوعزولي
ليست هناك تعليقات:
إرسال تعليق