صبر يا كلبي g

عزالدين ناس الرمى

********
tag

صبر يا كلبي g ...........................................

صبر و زيد صبر يا كلبي g
يا لمحممل هموم زمانك
ياك كالو g الصابر ينال
صبر نتا و قوي إيمانك
توكل على الله و قصد لحلال
لمكتوبة توصلك غير هني بالك
قنع واخا فلوسك قلال
ما تبقاش تابع هبالك
لا تسولنيش هاذ السؤال
علاش لحباب زادو في محانك
الدنيا غرارة و الزمان بدال
غير نتا لي بقيتي في مكانك
كلشي تغير وركب لهبال
ياك شفتي كل شي بعيانك
شحال قاسيتي يا قلبي شحال
غريب نتا وليتي في وطانك
بين هم و غم عشتي جوال
مصاب غير تكون الناس بحالك
تعذبتي يا مسكين و عذابك طال
لا من واساك و شاف لحالك
صبرك كثر ولا يهد لجبال
فقدتي التيقة حتا من خيالك
لا خال لا عم لا والي لا دلال
عرف كيف تتصرف و قاد ميزانك
الفلك يدور و الزمان بدال
جمع راسك و دير كيف قرانك
ما تبقاش يا كلبي g راكب لهبال
لا حنين لا رحيم يشوف من حالك

بقلمي : عزالدين ناس الرمى
Le 05/12/2018