تقلب لميزان..

عزالدين ناس الرمى

-------
tag

مجذوبيات : عزالدين ناس الرمى خريبكة

تقلب لميزان.........................................................

جف لقلم
فاض الستيلو
نشف اللوح
لورقة تطلات مداد
طار لحيا
ولا كل واحد يغني على ليلو
ما تلا حد يحشم
كثرو لجروح
المنكر تنشر و زاد
لحال ظللم
لخليل هجر خليلو
السر ولا مفضوح
ما بين لبنات و لولاد
لوجه كرم
اللسان زاد عويلو
لكتاب ولا مفتوح
ما بقاوش الرجال شداد
النسا عمرو لسواق
غاديات جايات يميلو
كلشي ساب الساس راب
حديثنا لمن يتعاد
تقلب لميزان
ولاو كفوفو يميلو
طلوع و هبوط
عيوط و طيوح
سترنا يا جواد
كثر السم
شاعت هضرت لكيلو
كلشي بيها يهضر
ضاعت لغة الضاد
غاب الحق
اللسان لصق
لي دوا يا ويلو
الجهل ولا موضة
لوعاية هجرت لبلاد
لي سكت نجا
لي هضر يتمحن
ما بقى يفرز نهارو من ليلو
الظلم فزماننا ساد
الولد ما بقا يحشم
من بوه لي يعيلو
سمانا ولات مظلامة
و ما بقا للجماعة كواد g

بقلمي :عزالدين ناس الرمى خريبكة

Le 22/11/2018