صبت الشتا وسحات

Ahmed Naciri

*******

الحمد لله
على رحمة الله
صبت الشتا وسحات
ولرض تبللت و روات
غير تحزم و ترزم يا فلاح...
....
توكل عل الله
نوض كلبg لرض وثني
طيب الحرث
والنية ليك سلاح...
....
اربط الجوجة
واسقل لوذن و السكة
قطع المحراث
للمطاير علم وخطط
ما تفلق الخط
وانده راه ليك رباح...
....
دير لغبار وزرع
وردم ملقى لمطاير
وعلافات عامرين شعير
للجوجة عطيها تجر
ووقت غذاك
كلشي شوية يرتاح...
....
نبغيك تطيب روس لمراجع
والخير من الله
ديما ليك راجع
وداوي لعشاب
وما تقتل في الفدان ارواح...
....
شمر يا فلاح على ذراعك
ما تخلي الوقت
بالعكز تفوتك
لا تبقى فيها متلي
نوض من غذا
را صابة الصيف
من فياق السروية و الصباح...
....
.........أحمد الناصري.....