حالها فاني

Med Zerouani

******
tag

حالها فاني

بسم الله سبحانك
يا عالم بحالي و حوالي

كلها يلغي بلغاه
يا عظيم القدرة والشأن

هدا زمان الظلمة
ؤ شلا ظيم ف لقلوب

الوقت عطات
غير لحمامس ؤ لكدور

الدنيا سوق عامر
البايع عل لغدر ناوي
والشاري مغلوب

الهم ف الهم
والحال مزروب

راس المال مغدور
والرباح عامر دنوب

الحي ف الميث يشهد
الباطل عظم والحق مسلوب

لعقول مشطونة
قصاحت لقلوب

لهموم ف الخاطر غرزت
ما عاد ينفع سبوب

ظلام حالنا زادت لحروب

الراكب ما ينزل
عمات لبصيرة ؤ لبصر محجوب

صلي ؤ زكي يا بنادم خفف الدنوب

حنا مسلمين والإيمان لينا منسوب

فيق يا غافل ؤ طلب مول الحق
عليك ايتوب

الدنيا فانية ؤ لكفن ما فيه جيوب

بقلم الشاعر الزجال : محمد زرواني