والله طرجمت لي / هو وهي/

حبيبة اخريف

********
tag

والله طرجمت لي / هو وهي/
كيدور فراسي
بزاف دلمرات
كنتكلم ؤ كنجيبها
فراسي
وراسي ما بغا
يدخل سوق راسوا
ههه زعما عييت
نوعيه
نقول ليه
هاد الناس
لي انت دافع
عليهم
ما مسوقين ليك
كياكلوا الشوك
بفمك
هما يضحكوا
عليك
انا عارف
واخا هكاك
انا راسي
سخون
دغيا
نحامي عليه
وخا نجيبها
فراسي
يقولوا انت
شجاع

يتكلموا بلساني
نطرجم ما فخاطرهوم
يشجعوني هما
وانا نعرفههوم
سوقهوم خاوي
ولي فيا ما يهنيني
نتكلم وخا على
حساب راسي
ياراسي هدا
طبعك ولا شريتيه
ياراسي وما داز
علبك ؤ باقي
حبيبة اخريف