غلطة

عزالدين ناس الرمى

*******
tag

غلطة

.........................

غلطة درناها و مشات
ما نسيناها مع ليام 
لاكن هاذي هي الحياة
مرة صافية و مرات غيام
كتبقا غير الذكريات
و لعمر كيزيد لكددام g
يا راسي لي فات حسبو مات
لا تزيدش لقلبي لسقام
لكبدة لحنينة ليوم عيات
و لخاطر عايش في لوهام
كي نتفكر ليام الزينات
فايق و عايش في لمنام
ياك ايامي ضاعت و مشات
وداز صغري كي لحلام
الحمد لله الصحة بقات
مازال نزيد لكددام g
نعيش حياتي ننسى لي فات
بالصبر يتبتو لقدام
لي مشا باش يعود هيهات
ما ينفع لا هم لا تخمام
نرضاو بلقسمة كيفما جات
ننساو الماضي مع ليام
شحال من خيام عمرت و خوات
حتا حال على حالو دام
ناس مشات و ناس جات
شي طالع شي نازل كي لحمام
يا راسي سير عيش الحياة
و حمد ربي على طول لعام

بقلمي : عزالدين ناس الرمى خريبكة

Le13/12/2018