……….إِلى غابَتْ الگمْرَة……
إِلى غابَتْ الگمْرَة
وَذْبَالْ السْحَابْ
نْبَاتْ أَنَّجْ لَحْزَانْ
نْقَرْدَشْ لَهْمُومْ
بْ مَغْزَلْ النْجُومْ
نَسْتَنَّى ضَوْ لَفْجَرْ
نَلْبَسْ جَلاَّبَة بِيضَة
وَنْطُوفْ عَ لَخْيامْ
نْسَبَّحْ...
نْهَلَّلْ...
حَتَّى يَتْقَاضى لَكْلاَمْ
وَيْبَانْ سِيدْ الْفُرْسَانْ
يْرَكَّبْنِي عَ لَدْهَمْ
نْصَلِّي عْلَى النْبِيْ
نَخْلِي الْبَارود
وَنْعَاوَدْ نَخْلِي
حتَّى يَتَّخْلَعْ الطِّيرْ
وَنَّادِي بْ صَوْتْ عَالِي
تَكْبيرْ...تَكْبيرْ
وَالِّلي صارْ...يْصيرْ
محمد مهداوي
ليست هناك تعليقات:
إرسال تعليق