ملي كنت

صباح اهتمام

******
tag

*** ملي كنت ***
قنطت الروح وبكات
على لي ارحل ؤفات
اتخبيت انا ف اكساتي
ؤعنقت اسكاتي
واسكنتك ياداتي
ف وقت غير اوقاتي
كنت ملي كان العلم عبادة
ملي كانت اشكارة وسادة
فيها كناش عامر افادة
ملي كانت الريشة ولمداد
ؤف الصف كل شي امكاد
كنت ملي كان
للاستاد انبوس للدين
ؤنشم ريحة الوالدين
ملي كان لشيب هيبة
الوقفةقدام لمري عيبة
افشوش الدري خيبة
واعراض الناس غيبة
كنت ملي كانت
الكلمة اصحيحة
واللكنة افصيحة
والكدبة اقبيحة
ؤلعباد تستر لفضيحة
ملي كانت الرجلة ارزينة
ولمرا من عند الله زينة
ؤبلعقل اوزينة
ملي كانت اصروف
امكدا لكفوف
الرحمة فاتحة كاع ادفوف
والارض علينا اتجود
ملي كانت
الفاتحة مسموعة
واللقمة مقنوعة
ؤاللمة مجموعة
كنت ملي كانت
الوقت دوغرية
مافيها زيادة ولا نقصان
اليوم نقصت النية
الروس بلبهوت محنية
ليدين بلحرام مطلية
طاحت الوقت
على عين اكفاها g
واركب اسفيها اعلاها
واخيابت الشوفة
ماعرفنا شكون اعماها
والله انجيك
من شوفت النص
ؤ دعوت النص
كترت انصوص
كولها كي حزم نصو
ؤماداها فلي خصو
ف ازمان لغبرا ؤناحيس
امشا لحيا مع
لوحدا ؤنص
ضاعت الحشمة
ؤكترت كترت لفهاما
وكلشي اتهاما واتعامى
طامع ف ازعاما
خسرت لعباااااد
ؤتلفت شلا اوقات
وازياداعلينا اقوات
ؤ اتلفنا مابين التلفات
ايه يالكاين المفقود
تردمتي فكانون مرصود
امزند باشهابو اكدوح g
امكمد ف اعماقك اجروح
شحال قدك تشكي واتبوح
ؤشحال قدك اتلالي واتنوح
واش ادموعك تزرع الروح
بقلم صباح اهتمام : 14/12/2018