محبتك زاوية
دخلت ليها مسلمة
لزيارتها ناوية
في جنب الحيط نتمشى محادية
محبتك زواية فيها أنا راكعة
دخلت ليها طايعة
هزيت فيك عين صادقة
او گلت ليك أنا مزاوگة
أنا مزاوگة ياشيخ الزاوية
في غرامك طايعة مابايعة
ترجيتك بعين دامعة
لا تحرق گلبي كيف الجمرة
لا تعيشني في ظلمة
ترجيتك بگلب فتيلتو شاعلة
بحال القنديل نور القبة
او دوبني كيف الشمعة
او خلا حجر الياقوت يبان
فوق التابوت مزين لمكان
وأنا ليوما حفيدة في الزاوية
حفيدة من سلالة الغرام
بسلاسل المحبة مكتفة
ولله لله لما فك رباطي يا شيخ الزاوية
نجية عماري
دخلت ليها مسلمة
لزيارتها ناوية
في جنب الحيط نتمشى محادية
محبتك زواية فيها أنا راكعة
دخلت ليها طايعة
هزيت فيك عين صادقة
او گلت ليك أنا مزاوگة
أنا مزاوگة ياشيخ الزاوية
في غرامك طايعة مابايعة
ترجيتك بعين دامعة
لا تحرق گلبي كيف الجمرة
لا تعيشني في ظلمة
ترجيتك بگلب فتيلتو شاعلة
بحال القنديل نور القبة
او دوبني كيف الشمعة
او خلا حجر الياقوت يبان
فوق التابوت مزين لمكان
وأنا ليوما حفيدة في الزاوية
حفيدة من سلالة الغرام
بسلاسل المحبة مكتفة
ولله لله لما فك رباطي يا شيخ الزاوية
نجية عماري
ليست هناك تعليقات:
إرسال تعليق